“ഇസ്‌ലാം ജീവിതപദ്ധതി”
ഇസ്‌ലാമിന്റെ ലക്ഷ്യം ഈ ലോക ജീവിതമല്ല. പരലോക വിജയമാണ്‌. ഈ ജീവിതത്തെ ഒരു ജീവിതമായിട്ടുപോലും പരിശുദ്ധ ഖുര്‍ആനും നബിചര്യയും കാണുന്നില്ല. പരലോക വിജയമാണ്‌ യഥാര്‍ഥ വിജയം. സത്യം തുറന്നുപറയുവാന്‍ നിര്‍ദേശിക്കുന്ന മതമാണ്‌ ഇസ്‌ലാം. ശിര്‍ക്കിന്നും ബിദ്‌അത്തിന്നും മൗനത്തിലൂടെ അനുമതി നല്‍കുവാന്‍ സമ്മതിക്കാത്ത മതം. അക്രമിയായ ഭരണാധികാരിയുടെ മുന്നിലും സത്യം തുറന്നുപറയല്‍ ഏറ്റവും വലിയ ധര്‍മയുദ്ധമായി പ്രഖ്യാപിച്ച മതം. സത്യം തുറന്നുപറഞ്ഞതിനാല്‍ വധിക്കപ്പെട്ട മനുഷ്യനെ രക്തസാക്ഷിയായി കണക്കാക്കുന്ന മതം. പരലോകത്ത്‌ വിജയം ലഭിക്കുവാനുള്ള സംഗതികള്‍ മനുഷ്യന്റെ ബുദ്ധിക്ക്‌ മാത്രം കണ്ടുപിടിക്കുവാന്‍ സാധ്യമല്ല. അതിനാല്‍ ഇത്തരം സംഗതികളുടെ രൂപവും സ്വഭാവവും ഇസ്‌ലാം വിശദമായി വിവരിച്ചുതരുന്നു.
